【受騙疑雲】迪士尼年票取消免費泊車變$220　金卡苦主︰離晒大譜迫人升白金

很多一家大細經常去迪士尼，會選擇購入樂園年票「奇妙處處通」，多次入場會較抵之外，更有其他優惠，包括泊車及餐飲折扣。近日有購買金卡的網民發現免費泊車被取消，如私家車日泊計變相要$220，大呻沒被通知早知不續會，「我買金卡就係為咗泊車」！

金卡年票取消免費泊車

有多位網民近日在facebook群組「迪士尼買賣交換分享 Disney’s Sharing Platform」發帖，發現金卡年票的條款有改動，她早前見有7折優惠才續會，當時沒有職員通知她將會取消優惠，有感被「搵笨」。現時奇妙處處通樂園年票分有3級別︰銀卡、金卡和白金卡，以成人價錢計分別為$1,278、$2,228和$3,998，優惠不同。發現泊車優惠有改動的網民表示︰

之前推出續會多一個月優惠，但金卡泊車無端端變咗2022年3月22日開始要俾錢，係咪可以叫佢退返錢唔再續，我買金卡就係為咗泊車，如果唔係我只會買銀卡。

最新影片︰辯論賽贏名校入讀中大中醫學　Band 3生：不一定名校才做到

私家車日泊變$220

從香港迪士尼樂園官網，在有關優惠泊車的資料一欄，指出年票會員（小童除外）每日上午8:30至關園後2小時於樂園停車場享泊車優惠，銀卡會員可享私家車以正價停泊費減$40或電單車減$15、白金卡會員可免費泊車等。金卡卡主本來是跟白金級別一樣可免費泊車，但現時泊車條款改為︰

金卡會員於2022年1月1日至2022年3月21日可享最多24天免費泊車。其後，金卡會員可享私家車以正價停泊費減$40或電單車以正價停泊費減$15。

不再駕車到迪欣湖玩

網民表示原價私家車日泊是$260一日，金卡減$40的話是$220，非常不划算，大呻明明入會寫一年免費泊24次，就算不是入樂園玩，也會駕車到附近迪欣湖玩，認為樂園此舉迫人升白金而失望︰

應該在人哋續會時講清楚，而唔係突然改呢啲優惠，所以我唔會升白金，如果真係，希望佢會退款，我唔續了。

最新影片：

致電客戶服務證實

有網民於今日（1日）另發帖，表示剛致電去客戶服務問3月22日後的泊車安排，已證實金卡不會再有免費泊車優惠，「同埋佢話之前新續約果啲禮遇都會有改變」，她有感受騙，想投訴「係咪消委會見……」。

可是，網民認為向消委會投訴的成效不大，因細看《「奇妙處處通」條款及細則》5.9 ，列明「本公司有權隨時及不時終止或暫停任何優惠，而不作事先通知」。

更多網民意見

▼點擊圖片放大

+7

+6

香港迪士尼樂園度假區發言人回應稱，香港迪士尼樂園度假區每年都會約於年底檢討及調整奇妙處處通年票會籍福利及條款，並不時提供不同會員專享優惠，當中包括如常按情況檢視及更新泊車優惠政策，目前未有計劃取消金咭會員所有免費泊車優惠。最新優惠詳情會適時公布。

TOPick推出「Band1學堂」，更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳